O concelleiro de Goberno Responsable da Área de Réxime Interior e Persoal mediante Resolución do 2 de agosto de 2012, dispuxo o seguinte:

«(...) Primeiro. Revogar parcialmente a Resolución do concelleiro de Goberno Responsable da Área de Réxime Interior, Persoal e Actividade Económica con data do 8 de febreiro de 2010, pola que se aprobou a convocatoria dos procesos selectivos para a cobertura de prazas vacantes incluídas na OEP do ano 2008 (cuxo anuncio se publicou no BOP, núm. 32, do 17 de febreiro de 2010), no que atinxe á convocatoria do proceso selectivo correspondente á praza vacante de biólogo clasificada no grupo A, subgrupo A1, da escala de Administración especial, subescala técnica, clase técnico superior dado que, tal e como se pon de manifesto na parte expositiva da presente resolución, xa non existe praza nin posto da mesma categoría nos instrumentos de ordenación municipais para o ano 2012 (cadro de persoal anexo ao orzamento para o ano 2012 publicado no BOP núm. 47 do 7 de marzo e relación de postos de traballo do Concello de Pontevedra publicada no BOP núm. 56, do 20 de marzo) coa conseguinte ausencia de consignación orzamentaria e, así mesmo, que a dita praza xa non se atopa recollida en oferta de emprego ningunha, polo que non procede celebrar o proceso selectivo convocado para a devandita categoría.

Segundo. Publicar esta resolución no Boletín Oficial da provincia, xunto co réxime de recursos que proceda consonte a dereito e, así mesmo, remitir un anuncio da presente resolución revogatoria ao Diario Oficial de Galicia e ao Boletín Oficial del Estado, para xeral coñecemento e efectos. (...)».

Rrecursos procedentes.

Contra o precedente acordo, que pon fin á vía administrativa, poderá interpoñerse polos interesados ben o recurso potestativo de reposición ante o mesmo órgano que a ditou e no prazo dun mes a contado desde o día seguinte ao da súa notificación, ao abeiro do establecido no artigo 116.1 da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, pola que se modifica a primeira, ou ben o recurso contencioso-administrativo no prazo de dous meses contados a partir do día seguinte ao da súa notificación ante o Xulgado do Contencioso-Administrativo de Pontevedra.

Non obstante, tamén poderase interpoñer calquera outro recurso que os interesados estimen procedentes conforme a dereito.

Pontevedra, 3 de agosto de 2012

Antonio Louro Goyanes
Alcalde accidental