Sistemas Técnicos del Accesorio y Componentes (STAC, S.L.), solicitou nesta alcaldía licenza municipal de actividade de fabricación de paneis composite de aluminio, para exercer en nave industrial sita na 2ª fase do polígono industrial de Picusa número CS-06/06. En cumprimento do disposto polo artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un período de vinte días hábiles, co fin de que durante este –que comezará a contar desde o día seguinte ao da inserción do presente edicto no Boletín Oficial da provincia e no Diaro Oficial de Galicia– poidan examinar o expediente no departamento de Urbanismo deste concello, das 9.00 ás 14.00 horas, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.

Padrón, 21 de xuño de 2012

Antonio Fernández Angueira
Alcalde