Francisco Juan Ros García, en representación de Grupo Ros Casares, solicitou nesta alcaldía licenza municipal de actividade de almacenamento e comercialización de produtos siderúrxicos, para exercer nas naves industriais 4, 5 e 6 do polígono industrial de Picusa. En cumprimento do disposto polo artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese o expediente a información pública por un período de vinte días hábiles, co fin de que durante este –que comezará a contar desde o día seguinte ao da inserción do presente edicto no Boletín Oficial da provincia e no Diaro Oficial de Galicia– poidan examinar o expediente no departamento de Urbanismo deste concello, das 9.00 ás 14.00 horas, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que consideren oportunas.

Padrón, 21 de xuño de 2012

Antonio Fernández Angueira
Alcalde