María Mercedes Santos García, secretaria xudicial de reforzo do Xulgado do Social número 2 da Coruña, fago saber que no procedemento de despedimento 313/2012, seguido neste xulgado, se ditou sentenza cuxo encabezamento e ditame é do teor literal seguinte:

«A Coruña, vinte de xullo de dous mil doce. Vistos por Montserrat Matos Salgado, maxistrada xuíza substituta do Xulgado do Social número 2 (reforzo) da Coruña e o seu partido, os presentes autos de xuízo número 313/2012 seguidos por instancia de Estefanía Sánchez Sánchez, representada e asistida pola letrada Sra. Quintela Basoa, contra a empresa Alejandro Romero (Peluquería Péinate), que non comparece malia estar citada en legal forma, e o Fogasa, que non comparece ao acto de xuízo; a litis versa sobre despedimento.

Ditame:

Primeiro. Que debo estimar e estimo a demanda sobre despedimento formulada por Estefanía Sánchez Sánchez, representada e asistida pola letrada Sra. Quintela Basoa, contra a empresa Alejandro Romero (Peluquería Péinate), que non comparece malia estar citada en legal forma, e o Fogasa, que non comparece ao acto de xuízo, e declaro a improcedencia do despedimento con condena da empresa indicada a que readmita inmediatamente a traballadora nas mesmas condicións que rexían antes de producirse o despedimento, ou ben, a elección da empresa, á extinción da relación laboral con aboamento da indemnización detallada no número segundo deste ditame. Todo iso con aboamento dos salarios de tramitación que non percibise ata a data da notificación da presente sentenza.

A devandita opción deberá exercerse en cinco días a partir da notificación desta sentenza, mediante escrito ou comparecencia ante este xulgado. Transcorrido o devandito prazo, sen que se tivese optado, entenderase que procede a readmisión.

Así mesmo, declárase extinguida a relación laboral que vinculaba as partes desde o 18.7.2012.

Segundo. A indemnización e os salarios de tramitación que debe aboar a empresa demandada Alejandro Reino (Peluquería Péinate), segundo o disposto no número anterior, son, en concepto de indemnización a cantidade de 2.171,71 euros, e de salarios de tramitación, a cantidade de 29,72 euros/día.

Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivamento. Advírtase igualmente ao recorrente que non fose traballador ou beneficiario do réxime público de Seguridade Social, ou habente-causa súa, ou non teña recoñecido o beneficio de xustiza gratuíta, que deberá depositar a cantidade de 300 euros (art. 229 da Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado.

Así por esta a miña sentenza, definitivamente xulgando en primeira instancia, pronúncioo, mándoo e asínoo, Montserrat Matos Salgado, maxistrada xuíza substituta do Xulgado do Social número 2 de reforzo da Coruña».

E para que sirva de notificación en legal forma a Alejandro Reino Romero (Peluquería Péinate), en ignorado paradoiro, expido a presente para a súa inserción no Diario Oficial de Galicia.

A Coruña, 31 de xullo de 2012

A secretaria xudicial