Juan José Cela Sangil solicitou desta alcaldía licenza municipal para legalización de actividade de sala de despezamento de canais, elaboración de embutidos, salgadura e envasado en Lourido Grande, de Samos. En cumprimento do disposto no artigo 8.3 do Decreto 133/2008, do 12 de xuño, de avaliación de incidencia ambiental, sométese a información pública polo período de vinte días hábiles, co fin de que durante este período, que comezará a contar desde o día seguinte ao da última públicación deste edicto no DOG e no BOP, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

Samos, 27 de xullo de 2012

José Antonio García Jurjo
Alcalde en funcións