O Pleno da Corporación, na sesión ordinaria que tivo lugar o día 28 de xuño de 2012, adoptou, entre outros, o seguinte acordo:

Aprobar definitivamente o estudo de detalle na confluencia das rúas Domingo García Sabell-costa de San Francisco e Carretas-Entrerríos, formulado de oficio polo concello.

O presente acordo notificaráselles aos interesados e publicarase no Diario Oficial de Galicia e no Boletín Oficial da provincia, no cal se inserirá, así mesmo, a normativa urbanística aprobada. Á vez remitirase á Consellería de Medio Ambiente, Territorio e Infraestruturas comunicación do acordo, xunto con dous exemplares do proxecto definitivamente aprobado.

O acto de aprobación definitiva do citado estudo de detalle foi comunicado á Consellería de Medio Ambiente, Territorio e Infraestruturas, con data 5 de xullo de 2012, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG).

Contra o acordo de aprobación definitiva do citado estudo de detalle poderase interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous meses contados a partir do día seguinte ao da publicación deste anuncio.

Santiago de Compostela, 5 de xullo de 2012

Ángel Currás Fernández
Alcalde