Aprobada inicialmente a modificación das normas subsidiarias municipais de Crecente, por Acordo do Pleno do 22 de xuño de 2012 , de conformidade co artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses contado desde o día seguinte ao de publicación do presente anuncio no Diario Oficial de Galicia.
Durante o devandito prazo poderá ser examinado por calquera interesado nas dependencias municipais para que se formulen as alegacións que se estimen pertinentes.
Quedan suspendidas as licenzas para as seguintes áreas: instalacións afectadas pola ordenanza de equipamento sanitario e asistencial.
A duración da suspensión é de dous anos contada a partir da aprobación e, en calquera caso, extinguirase coa aprobación definitiva do planeamento.
Crecente, 22 de xuño de 2012
Julio César García-Luengo Pérez
Alcalde