O Pleno da Corporación do Concello do Porriño, en sesión ordinaria do 28 de xuño de 2012, aprobou inicialmente o Plan parcial do solo urbanizable delimitado PCR-01, mediante acordo que ten o seguinte contido literal.
«1º) Aprobar inicialmente o Plan parcial do solo urbanizable delimitado PCR-01.
2º) Someter o expediente a información pública durante un prazo de dous meses mediante anuncio no Diario Oficial de Galicia e en dous dos xornais de maior circulación da provincia, notificando aos propietarios de todos os terreos afectados e aos concellos limítrofes.
3°) Remitir un exemplar do plan parcial á Confederación Hidrográfica para a emisión de informe preceptivo no prazo dun mes.
4°) Someter o expediente a consultas por un prazo de dous meses, dando comunicación aos organismos que a seguir se relacionan e que foron expresamente citados no documento de referencia elaborado pola Dirección Xeral de Desenvolvemento Sostible:
– Administración xeral do Estado.
– Ministerio de Medio Ambiente, e Medio Rural e Marino.
– Confederación Hidrográfica do Miño-Sil.
– Administración da Comunidade Autónoma de Galicia.
– Consellería de Medio Ambiente e Desenvolvemento Sostible.
– Secretaría Xeral de Calidade e Avaliación Ambiental 1. Subdirección Xeral de Calidade Ambiental.
– Organismo autónomo Augas de Galicia.
– Consellería do Medio Rural.
– Dirección Xeral de Montes e Industrias Forestais.
– Dirección Xeral de Conservación da Natureza.
– Administración local.
– Deputación Provincial de Pontevedra
– Concellos da área de influencia do ámbito do planeamento.
5°) Suspender o outorgamento de licenzas de edificación, parcelación e derrubamento no ámbito do Plan parcial do SUR PCR-01».
O que se fai público para o xeral coñecemento, para que os interesados presenten as alegacións, reclamacións e suxestións que xulguen convenietes, durante o prazo de dous meses contados a partir da data de publicación no Diario Oficial de Galicia.
O Porriño, 29 de xuño de 2012
José Nelson Santos Argibay
Alcalde