Benito Salvatierra Sánchez, solicitou desta alcaldía licenza municipal para ampliación de nave para estabulación libre de gando vacún e construción de fosa de xurro que se situará en Tiagonce, parroquia de Lourenzá. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que se xulguen oportunas.

Lourenzá, 27 de xuño de 2012.

Vidal Martínez-Sierra López
Alcalde