O Pleno da Corporación na sesión ordinaria que tivo lugar o día 26 de abril de 2012, adoptou entre outros, o seguinte acordo:

a) Rexeitar as alegacións formuladas contra o acordo de aprobación inicial da modificación puntual do Plan parcial das Fontiñas por Rosa María Domelo Iglesias e por María Luísa Montero Vaamonde e José García Gago consonte a fundamentación que se contén nos informes técnico e xurídico da Sección Municipal de Planeamento e Xestión, reproducidos con anterioridade e que serven de expresa motivación ao acordo, de conformidade co que establece o artigo 89.5 da Lei 30/1992, de réxime xurídico das administracións públicas e do procedemento administrativo común.

b) Aprobar definitivamente a modificación puntual do Plan parcial das Fontiñas para a incorporación do uso asistencial á ordenanza 3 do conxunto urbanístico Área Central, segundo o proxecto presentado por Escolas Infantiles Os Pequerrechos, S.L., sen modificacións con respecto ao aprobado inicialmente.

O presente acordo notificarase aos interesados e publicarase no Diario Oficial de Galicia e no Boletín Oficial da provincia, no que se inserirá, así mesmo, a normativa urbanística aprobada.

Así mesmo, remitirase á Consellería de Medio Ambiente, Territorio e Infraestruturas, comunicación deste acordo de aprobación definitiva, xunto con dous exemplares dilixenciados do proxecto definitivamente aprobado.

O acordo de aprobación definitiva da citada modificación puntual foi comunicado á Consellería de Medio Ambiente, Territorio e Infraestruturas o 3 de maio de 2012, en cumprimento do disposto polo artigo 92.3 da Lei 9/2002, do 30 de decembro, de ordenación urbanística e protección do medio rural de Galicia (LOUG).

O anuncio de aprobación definitiva, xunto coa normativa, publicouse no Boletín Oficial da provincia da Coruña número 103, do 1 de xuño de 2012.

Contra o acordo de aprobación definitiva poderase interpoñer directamente recurso contencioso administrativo ante o Tribunal Superior de Xustiza de Galicia no prazo de dous meses, contado a partir do día seguinte ao da publicación deste anuncio.

Santiago de Compostela, 4 de xuño de 2012

Ángel Currás Fernández
Alcalde