Para os efectos previstos na Lei 54/1997, do 27 de novembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de declaración de utilidade pública, en concreto, e a urxente ocupación que leva implícita, da instalación eléctrica que se describe:
Solicitante: Unión Distribuidores Electricidad, S.A. (UDESA).
Domicilio social: rúa José Ángel Valente nº 17, baixo, local 62, 15706, Santiago de Compostela.
Denominación do proxecto: L.M.T.S., C.T.C. e R.B.T.S. Eiras de Santiso.
Municipios afectados: concello do Pino.
Características técnicas da instalación:
Liña de media tensión soterrada a 20 kV, cunha lonxitude de 395 m, condutor tipo R.H.Z.1-2OL-12/20 kV-3(1×95 Al), con orixe na cela de liña que se vai instalar no C.T.C. Santiso (expediente 2010/290), con entrada e saída no C.T.C. Eiras de Santiso proxectado e final no paso aerosubterráneo que se vai realizar no apoio proxectado tipo H.V.H.-15/2500 da L.M.T. a C.T. Vilabuíl (expediente 206/2001).
Liña de media tensión soterrada a 20 kV, cunha lonxitude de 150 m, condutor tipo R.H.Z.1-2OL-12/20 kV-3(1×95 Al), con orixe na cela de liña que se vai instalar no C.T.C. Santiso (expediente 2010/290) e final no C.T. aéreo Santiso II.
Liña de media tensión soterrada a 20 kV, cunha lonxitude de 125 m, condutor tipo R.H.Z.1-2OL-12/20 kV-3(1×95 Al), con orixe na cela de liña que se vai instalar no C.T.C. Eiras de Santiso proxectado e final no C.T. particular Robleda existente.
Centro de transformación en edificio prefabricado de formigón, cunha potencia de 160 kVA e relación de transformación de 20.000/400-230 V.
Rede de baixa tensión soterrada a 400 V, con dúas saídas do C.T.C. Eiras de Santiso proxectado, cunha lonxitude de 212 m, en condutor tipo X.Z.1-0,6/1 kV-4(1×240 Al) e unha lonxitude de 82 m, en condutor X.Z.1-0,6/1 kV-4 (1×50 Al).
Relación concreta e individualizada dos bens ou dereitos que se van expropiar:
Predio |
Ref. catastral |
Concello |
Titular |
Afecc. pleno dominio |
Afecc. ocup. temporal por obra |
1 |
15067A508011010001 WQ |
O Pino |
Valiño 339-340 S.L |
26,55 m2 |
15,26 m2 |
Todas aquelas persoas ou entidades que se consideren afectadas poderán presentar as súas alegacións por duplicado e examinar o proxecto da instalación nesta xefatura territorial, rúa Vicente Ferrer, 2, 1º e 2º andar, 15071 A Coruña, no prazo de 20 días a partir da última publicación ou notificación individual.
Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.
De acordo co disposto no artigo 149 do citado Real decreto 1955/2000, a declaración de utilidade pública levará implícita a necesidade de ocupación dos bens ou de adquisición dos dereitos afectados, e implicará a urxente ocupación para os efectos do artigo 52 da Lei de expropiación forzosa do 16 de decembro de 1954.
A Coruña, 21 de xuño de 2012
Susana Vázquez Romero
Xefa territorial da Coruña