Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:
Solicitante: Sasemar-S. Salvamento y Seguridad Marítima.
CIF: Q2867021D.
Domicilio social: Fruela 3, 28011 Madrid.
Denominación: liña M.T. e C.T. heliporto Cee.
Situación: Ruibó, Lires, Cee, A Coruña.
Descricións técnicas: L.M.T. con inicio en torre 133-3 da liña POT8132 (Pontella, Fisterra) e final en centro de transformación de abonado para alimentación do heliporto de salvamento marítimo. Tramo aéreo de 13 m, paso aéreo-soterrado seccionadores XS, LA-56, e tramo soterrado de 287 m, 95 mm2 Al, R.H.Z.1-20L 12/20 kV, e centro de transformación 100 kVA, 20/0,4 kV, prefabricado, refrixeración natural, aceite.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das ditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpora calquer outro recurso que considere pertinente ao seu dereito.
A Coruña, 21 de xuño de 2012
Susana Vázquez Romero
Xefa territorial da Coruña