Antecedentes.
Por resolucións do 13 de marzo e 24 de abril de 2012 establécese que se vai proceder á suspensión provisoria da inscrición das entidades relacionadas no anexo, concedéndolles un trámite de audiencia de 15 días co fin de que poidan alegar e presentar os documentos e xustificacións que consideren pertinentes, e comunicándolles que, en caso de non facelo, procederá a cancelación definitiva da inscrición da súa entidade.
Contra a presente resolución, que non pon fin á vía administrativa, poderase interpor recurso de alzada perante o conselleiro de Presidencia, Administracións Públicas e Xustiza, no prazo dun mes contado desde a recepción desta notificación.
Unha vez rematados os prazos de trámite de audiencia e para interpor o recurso de alzada ante o conselleiro de Presidencia, Administracións Públicas e Xustiza, ningunha das entidades presentou documentación, estando en suspensión provisional as citadas inscricións.
Fundamentos de dereito.
A Lei 3/2003, do 19 de xuño, de cooperación para o desenvolvemento, establece no seu artigo 23 os axentes de cooperación.
A Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, establece, no seu título VI, o procedemento administrativo común.
O Decreto 326/2004, do 29 de decembro, polo que se regulan os órganos de coordinación e asesoramento en materia de cooperación para o desenvolvemento e polo que se crea o Rexistro Galego de Axentes de Cooperación para o Desenvolvemento, modificado polo Decreto 90/2011 (desde agora Decreto 90/2011), establece no seu artigo 13.1 que a inscrición no rexistro é voluntaria.
O artigo 19 do Decreto 90/2011 establece para as entidades inscritas dúas obrigas para o mantemento da inscrición:
– A comunicación ao rexistro de calquera alteración respecto dos documentos e/ou datos rexistrados, no prazo de dous meses desde que se produza.
– A emisión anualmente dun certificado da secretaría relativo á renovación dos órganos de goberno ou administración, da variación na representación legal da entidade e dos acordos de aprobación do orzamento anual e da liquidación do exercicio económico.
O artigo 20 do Decreto 90/2011 establece que a inscrición dun axente de cooperación para o desenvolvemento poderá ser cancelada, por instancia de parte interesada ou de oficio, entre outros, nos seguintes casos:
c) Inactividade da entidade por un período de tres anos, debidamente probada.
d) Por incumprimento da obriga de comunicar e acreditar calquera modificación da documentación achegada para a inscrición rexistral, de conformidade co disposto no artigo 15 deste decreto.
A disposición transitoria do Decreto 90/2011 establece a obriga de que os axentes de cooperación adecuen a súa inscrición nos seis meses seguintes á entrada en vigor deste decreto.
O decreto establece, entre outras novidades, a de que se indiquen os organismos públicos dos que se recibisen axudas e subvencións, o obxecto destas e as cantidades recibidas durante os 5 anos anteriores á inscrición, e para o caso das ONGD e outros axentes sociais ou entidades que teñan entre os seus fins a realización de actividades de cooperación para o desenvolvemento, que indiquen o obxecto e os fins que se desexan inscribir.
O artigo 21 do Decreto 90/2011 di que o titular do órgano directivo competente na materia de cooperación ao desenvolvemento é competente para ditar as resolucións de cancelación da inscrición no Rexistro de Axentes de Cooperación. Este mesmo artigo di que o prazo para resolver e notificar a cancelación da inscrición será de tres meses contados desde a data en que a solicitude tivese entrada no rexistro do órgano competente para resolver, ou desde a data do acordo de iniciación cando se iniciou de oficio.
De acordo co indicado e á vista da lexislación aplicable,
RESOLVO:
Acordar o inicio do procedemento de cancelación das entidades relacionadas no anexo, nomeando instrutora deste a xefa de Servizo de Fomento da Cooperación ao Desenvolvemento, dándolles un prazo de 10 días para que presenten todos os documentos que permitan o mantemento da inscrición.
Santiago de Compostela, 12 de xuño de 2012
Jesús María Gamallo Aller
Director xeral de Relacións Exteriores e coa Unión Europea
ANEXO
Sección e nº |
Denominación |
Data da última comunicación ao rexistro |
ONGD11 |
Asociación Gallega de Ayuda al Sahara |
2.6.1994 |
ONGD1 7 |
Asociación Medicus Mundi Galicia |
5.6.1994 |
ONGD74 |
Fundación Codespa de Cooperación al Desarrollo y Promoción de Actividades Asistenciales: Futuro en Marcha |
10.5.1999 |
ONGD102 |
Asociación Fisioterapeutas del Mundo-España FME |
7.10.2002 |
Empresas 3 |
Nube Verde, S.L. |
8.4.2005 |
Empresas 5 |
Qualitynova Consultores, S.L.L. |
1.6.2005 |
Empresas 7 |
O.B.Z., S.L. |
23.5.2006 |
Empresas 9 |
Xana Producciones, S.L. |
24.7.2006 |
Empresas 22 |
Habitaq Consultoría de Desenvolvemento Sostible, S.L. |
7.10.2002 |
OAC 7 |
Asociación Coordinadora de Lesbianas, Gays, Bisexuales y Transexuales de Galicia. Colega |
4.2.2011 |
OAC 9 |
Asociación Centro de Estudos sobre Desenvolvemento Endóxeno e Comunitario |
12.8.2010 |