Jorge Barreiro Murado, en representación de Barreiro Baltar, S.C. solicitou desta Alcaldía licenza municipal para a construción de nave para corte, almacén e zona de muxidura, e construción de fosa de xurro que se situará en Baltar (Baltar). En cumprimento do disposto no parágrafo 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este, que comezará a contarse desde o día seguinte ao da última publicación do presente edicto no Boletín Oficial da provincia e no Diario Oficial de Galicia, poidan examinar o expediente, na Secretaría deste concello, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que xulguen oportunas.

A Pastoriza, 25 de xuño de 2012

Primitivo Iglesias Sierra
Alcalde