Juan José Fraga Rey solicitou desta alcaldía, en representación de Larus Control, S.L.N.E., licenza municipal para centro de recolla de aves para control poboacional e estancia de aves rapaces, no Outeiro nº 2 (Arabexo). En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública polo período de vinte (20) días hábiles, co fin de que durante este prazo –que comezará a contarse desde o día seguinte ao da inserción do presente edicto no Boletín Oficial da provincia e no Diario Oficial de Galicia–, poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que xulguen oportunas.
Val do Dubra, 6 de xuño de 2012
Ramón Camilo Varela Mariño
Alcalde