De conformidade co disposto no artigo 59.4 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e por non ser posible a notificación a través do servizo de Correos, notifícaselles mediante a publicación no Diario Oficial de Galicia aos usuarios Maravista Inversiones, S.L., con CIF B36338689, e a José Luis Acuña Rivadulla, con NIF 35244277-C, o requirimento de presentar a documentación das embarcacións que teñen autorizadas nas instalacións para a náutica recreativa no porto de Beluso, co fin de renovar as autorizacións de atracada das cales son titulares.
Os últimos domicilios coñecidos, onde se intentou notificar o requirimento foron:
Maravista Inversiones, S.L., O Xistro, 20, Salcedo, Pontevedra.
José Luis Acuña Rivadulla, A Carrasqueira, 81, Bueu.
A documentación requirida é a seguinte:
1. Copia compulsada do certificado de navegabilidade, con vixencia na data de presentación da documentación.
2. Orixinal ou copia compulsada da folla do Rexistro Marítimo Español e da copia certificada actualizada da folla de asento da embarcación (folla do rexistro e follas de asento seguintes). A certificación non poderá ter unha antigüidade superior a un (1) ano contado desde a data de presentación desta.
3. Copia compulsada do certificado que acredite o aboamento do seguro de responsabilidade civil da embarcación con vixencia na data de presentación da documentación.
Xunto coa documentación solicitada remitirá un escrito coa súa identificación, asinado e datado, indicando o porto e o amarre que ten adxudicado, así como a documentación que envía.
Para tal efecto establécese un prazo de cinco (5) días naturais contado desde o seguinte ao de realizar esta publicación.
De non recibirse en prazo a documentación solicitada, cesará o seu dereito de uso do amarre coincidindo co arranque do segundo semestre do ano en curso, o que implicará a obriga do desaloxo da instalación e procederase a anular a autorización de atracada e, en consecuencia, Portos de Galicia disporá do amarre.
O lugar da presentación da documentación é Portos de Galicia, praza de Europa, nº 5A, 6º andar, 15707 Santiago de Compostela (A Coruña).
A reclamación que efectúa a dirección do ente público, que ten eficacia executiva, non esgota a vía administrativa, polo que contra ela cabe interpoñer recurso de alzada perante a Presidencia do Consello de Administración, no prazo dun mes contado desde o día seguinte ao da publicación.
E para que conste e lles sirva de notificación, e en cumprimento do disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo o presente requirimento.
Santiago de Compostela, 21 de xuño de 2012
José Ignacio Villar García
Director de Portos de Galicia