O Consello Executivo da Axencia de Protección da Legalidade Urbanística ditou, con data do 13 de abril de 2012, resolución no expediente sancionador 107 C 2011/33-0 pola que se impón a Coslaco, S.L. e a Euromontaxe Profesional, S.L. unha sanción consistente en multa pola realización de obras de construción dunha nave industrial e dunha explanada de formigón no lugar do Coto-Pastoriza, no termo municipal de Arteixo, provincia da Coruña.
Ao non poderse realizar a notificación persoal desta resolución, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselles aos interesados a devandita resolución.
Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselles saber aos interesados que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sita no edificio Witland, 1º andar-Salgueiriños, en Santiago de Compostela, para a súa consulta no prazo de (10) dez días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
Contra esta resolución, que pon fin á vía administrativa, os interesados poderán interpoñer recurso de reposición no prazo dun mes, contado a partir do día seguinte en que se producise a notificación, ante o Consello Executivo da Axencia de Protección da Legalidade Urbanística, ou ben, se non exercen o seu dereito de presentar recurso potestativo de reposición, poderán interpoñer directamente o recurso contencioso-administrativo, no prazo de dous meses, ante o Xulgado do Contencioso-Administrativo de Santiago de Compostela ou ante o da circunscrición onde os recorrentes teñan o seu domicilio, á elección deste, conforme o disposto no artigo 14.1, regra segunda, da Lei 29/1998, reguladora da xurisdición contencioso-administrativa.
Para que conste e lles sirva de notificación aos citados interesados, en cumprimento do disposto no artigo 59.5º da citada Lei 30/1992, do 26 de novembro, expido e asino esta cédula.
Santiago de Compostela, 25 de maio de 2012
José Mª Domínguez Blanco
Subdirector da Axencia de Protección da Legalidade Urbanística