Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 434/2010 deste xulgado do social, seguido por instancia de Sonia Meizoso Pazo contra a empresa Alejandro Sáez Rodríguez sobre ordinario, se ditou a seguinte resolución:

«Na cidade da Coruña o catorce de maio de dous mil doce.

Carlos Villarino Moure, maxistrado xuíz do Xulgado do Social número 3 da Coruña, tras ver os presentes autos sobre ordinario entre partes, dunha e como demandante Sonia Meizoso Pazo, que comparece no seu nome e representación o letrado Felipe Martínez Ramonde, e doutra como demandado Alejandro Sáez Rodríguez, que non comparece.

Decisión que estimando a demanda formulada por Sonia Meizoso Pazos contra a empresa Alejandro Sáez Rodríguez, condeno esta a aboarlle a cantidade de 6.519,96 € que lle debe en concepto de salarios e demais conceptos.

Notifíqueselles esta sentenza ás partes advertindo que contra ela poderán interpor recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtaselle igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 150 euros na conta aberta en Banesto 0030.1846 a nome deste xulgado co número 1533.0000.36.0434.10, acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533.0000.60.0434.10, a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso no momento de anuncialo.

Así, por esta a miña sentenza, definitivamente xulgando, o pronuncio, mando e asino.

Publicación. Lida e publicada foi a anterior sentenza polo maxistrado que a ditou, encontrándose realizando audiencia pública no día da data, do cal dou fe».

E para que sirva de notificación en legal forma a Alejandro Sáez Rodríguez, expido o presente para a súa inserción no Diario Oficial de Galicia.

A Coruña, 21 de maio de 2012.

O secretario xudicial