Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Lucus Market S.L.U.
Domicilio social: P.I. de Piadela, s/n, 15300 Betanzos, A Coruña.
Denominación: instalación de L.M.T.S. e C.T. de 630 kVA para dar servizo a supermercados.
Situación: concello de Lugo.
Características técnicas:
– LMTS a 20 kV, consistente en anelar na L.M.T.S. Ceao 3 entre o C.S. Ingapan 2 e o C.D. Benigno Rivera ao C.S. proxectado, cunha lonxitude de 13 metros en condutor tipo R.H.Z.1-240 mm.
– C.S. no límite da parcela en edificio non prefabricado, no cal se instalan dúas celas de liña e unha de ruptofusible.
– L.M.T. a 20 kV, con orixe nunha cela de ruptofusible do centro de seccionamento proxectado e final nunha cela de liña do C.T. proxectado, cunha lonxitude de 3 metros en condutor tipo R.H.Z.1-240 mm.
– C.T. en edificio non prefabricado, cunha potencia de 630 kVA, no cal se instala unha cela de liña, unha de protección e unha de medida, relación de transformación 20.000/ 400-230 V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 21 de maio de 2012.
José Manuel Vázquez Leirado
Xefe territorial de Lugo
