Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se describen:

Solicitante: Concello de Cabanas.

Domicilio social: rúa do Concello, 15621 Cabanas.

Denominación: L.M.T.S. e C.T. para subministración en M.T. para estación bombeo n.º 1.

Situación: Carballo de Abaixo, Cabanas.

Características técnicas: liña de media tensión soterrada desde C.T. existente (C.T. Castro CAC009 eléctrica de Cabañas) a novo C.T. bombeo de Carballo de Abaixo, R.H.Z.1 12/20 kV 20L, 3×(1×150) mm2 Al, entubado, 487 m. Centro de transformación para bombeo de residuais Castro de Abaixo, en caseta prefabricada de formigón 20/0,42-0,24 kV aceite, 160 kVA. Inclúe cela de liña para alimentación doutro bombeo (IN407A 2011-245-1).

Cumpridos os trámites ordenados na Lei 54/1997, do 27 de novembro, do sector eléctrico e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Contra a presente resolución poderase interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se estime pertinente a seu dereito.

A Coruña, 5 de marzo de 2012.

Susana Vázquez Romero
Xefa territorial da Coruña