Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Enderezo social: avda. de Arteixo, 171, 15007 A Coruña.

Denominación: L.M.T.S. subestación Vilar do Colo enlace con L.M.T.S. Franza-Mugardos.

Situación: concellos de Cabanas, Mugardos, Ares e Fene.

Características técnicas:

Liña eléctrica subterránea de media tensión a 20 kV, cunha lonxitude de 5,98 km, coa orixe na subestación de Vilar do Colo (expediente 52.701) e final na L.M.T.S. Franza, Mugardos (expediente IN407A 91/2011), en condutor R.H.Z.1.OL- 3×1×240 mm². Concellos de Cabanas, Mugardos, Ares e Fene.

Cumpridos os trámites ordenados na Lei 54/1997, do 27 de novembro (BOE n.º 285), do sector eléctrico, e no título VII, capítulo II do Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 19 de abril de 2012.

Susana Vázquez Romero
Xefa territorial da Coruña