María Jesús Hernando Arenas, secretaria xudicial do Xulgado do Social número 5 da Coruña, fago saber que no procedemento ordinario 1118/2011 deste xulgado do social, seguido por instancia de José Varela Pintor contra a empresa Uzalia Servicios Auxiliares, S.L. sobre ordinario, ditouse a seguinte sentenza:

«Que debo estimar e estimo a demanda que en materia de cantidade foi interposta por José Varela Pintor contra Uzalia Servicios Auxiliares, S.L./Uzalia Servicios de Vigilancia y Control, S.L. e, en consecuencia, debo condenar e condeno a Uzalia Servicios Auxiliares, S.L./Uzalia Servicios de Vigilancia y Control, S.L., a que aboe ao demandante a cantidade de 5.148,09 euros brutos, percibida por salarios entre o 1 de xaneiro e o 4 de abril de 2011, incrementada no xuro do 10% por demora e aplicable aos conceptos salariais. Coa intervención procesual do Fondo de Garantía Salarial.

Notifíquese esta resolución ás partes facéndolles saber o seu dereito a interpoñer contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Se o recurso é interposto pola parte demandada non se admitirá este sen a consignación previa do importe da condena que deberá depositar na conta do Xulgado do Social número 5 da Coruña, aberta no grupo Banesto, a nome deste xulgado co número 47570000, código 36 e número de expediente, máis 300 euros do depósito especial indicado no artigo 229.1.a) da Lei reguladora da xurisdición laboral. Ambos os dous ingresos deberán efectuarse por separado na mesma conta corrente antes indicada, podendo substituír a empresa o importe da consignación pola constitución á disposición deste xulgado de aval bancario por tempo indefinido e con responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso, no momento de anuncialo. Así por esta a miña sentenza, pronúncioo, mándoo e asínoo».

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

E para que sirva de notificación a Uzalia Servicios Auxiliares, S.L./Uzalia Servicios de Vigilancia y Control, S.L., en ignorado paradoiro, expido e asino este.

A Coruña, 18 de abril de 2012.

O secretario xudicial