Nas actuacións de recurso de suplicación número 3659/2008-MJ a que se refire o encabezamento, seguidas ante a Sala do Social deste Tribunal Superior de Xustiza, dimanantes dos autos número 696/2007 do Xulgado do Social número 4 de Vigo, promovidos pola Mutua Geral de Accidentes de Trabajo contra Contrucciones Domínguez y Seoane, S.L, sobre outros dereitos de seguridade social, con data dezasete de abril de 2012 ditouse a resolución cuxa parte dispositiva é do seguinte teor literal:

«Decidimos que debemos desestimar e desestimamos o recurso interposto pola letrada da Administración da Seguridade Social en nome e representación do INSS contra a sentenza de data trinta de xaneiro do ano dous mil oito ditada polo Xulgado do Social número 5 de Vigo en proceso promovido pola demandante Mutua Gallega contra a empresa Construcciones Domínguez y Seoane, S.L. e outros e debemos confirmar e confirmamos integramente os pronunciamentos que a decisión impugnada contén.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta Sala do Social, dentro dos dez días seguintes á notificación desta sentenza e de acordo co disposto na Lei reguladora da xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no Banco Banesto, número 1552 0000 80 (n.º de recurso) (dúas últimas cifras do ano).

– O depósito de 600 euros na c/c desta sala número 1552 0000 37 (n.º de recurso) (dúas últimas cifras do ano).

Unha vez firme, expídase certificación para constancia no rolo que se arquivará neste tribunal incorporándose o orixinal ao correspondente libro de sentenzas, logo de devolución dos autos ao Xulgado do Social de procedencia.

Así, por esta a nosa sentencia, pronunciámolo, mandámolo e asinámolo».

Advírteselle á parte en ignorado paradoiro que, a partir deste momento, se lle efectuarán as notificacións en estrados, salvo que se trate de autos, sentenzas ou emprazamentos, de acordo co prevido no artigo 59 da Lei de procedemento laboral.

E para que así conste para os efectos da súa publicación no DOG co fin de que sirva de notificación en forma a Contrucciones Domínguez y Seoane, S.L, con último domicilio coñecido na Guía, 22, piso 3 B Vigo, coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de emprazamento, expido e asino o presente na Coruña, dezasete de abril de 2012.

A secretaria xudicial