Eduardo José Castaño Barreiro, secretario xudicial do Xulgado do Social número 1 da Coruña, fago saber que no procedemento ordinario 797/2011 deste xulgado do social, seguido por instancia de Alfredo Ginzo Wilkins contra a empresa Cath Tapea, S.L., sobre ordinario, se ditou sentenza do 30 de marzo de 2012, cuxa decisión se achega:
«Decido que, estimando substancialmente a demanda interposta por Alfredo Ginzo Wilkins, con DNI 34884285-R, contra a empresa Catch Tapea, S.L., debo declarar e declaro que procede, e condeno a demandada a que lle aboe ao demandante a suma de 3.003,27 € polos conceptos reclamados.
Notifíqueselles esta sentenza ás partes, facéndolles saber que esta non é firme e contra ela cabe interpor recurso de suplicación para ante a Sala do Social do Tribunal Superior de Xustiza de Galicia, anunciándoo mediante escrito ou comparecencia ante este xulgado no prazo de cinco días contados a partir do seguinte á súa notificación. De ser recorrente a empresa demandada deberá acreditar mediante a exhibición ante este xulgado o xustificante acreditativo de depositar a cantidade obxecto de condena (clave de ingreso 1531-60) na conta deste xulgado aberta en Banesto, e poderase substituír a consignación en metálico polo aseguramento mediante aval bancario, no cal se fará constar a responsabilidade solidaria do avalista e deberase acreditar tamén na indicada conta (clave de ingreso 1531-34) a consignación da suma de 300 euros preceptivos para recorrer, sen cuxo cumprimento non se terá por anunciado o recurso.
Así, por esta a miña sentenza, definitivamente xulgando en primeira instancia, pronúncio, mándoo e asínoo».
E para que sirva de notificación en legal forma a Cath Tapea, S.L., en ignorado paradoiro, expido a presente para a súa inserción no Boletín Oficial da provincia da Coruña.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 11 de abril de 2012.
O secretario xudicial
