Padecido un erro en relación co proceso de ampliación da lista de agarda da categoría de técnicos especialistas de bibliotecas, convocado mediante Resolución do 2 de marzo de 2012 (DOG do 14 de marzo), concretamente na información ofrecida a través da páxina electrónica da Universidade de Vigo relativa á data de remate do prazo de presentación de solicitudes, considérase necesario adoptar as medidas que permitan evitar os prexuízos que tal erro puider ter xerado nas persoas interesadas, expresamente naquelas que tomando como referencia a dita data presentasen as súas solicitudes fóra de prazo.

É isto polo que esta reitoría

resolveu:

Primeiro. Abrir un novo prazo de 10 días naturais contado a partir do día seguinte ao de publicación desta resolución no Diario Oficial de Galicia para a presentación de solicitudes, consonte o previsto no artigo 50 da Lei 30/1992, do 26 de novembro, de réxime xurídico das administracións públicas e do procedemento administrativo común.

Segundo. Quen tivese presentado dentro do prazo previsto na Resolución do 2 de marzo de 2012 a súa solicitude, non terá que presentala novamente. Quen o fixese fóra de prazo, deberá presentala dentro deste novo prazo seguindo o procedemento estipulado na base segunda da dita resolución e sen necesidade de acompañar a documentación que, se é o caso, achegase coa anterior.

Terceiro. A presentación en prazo das solicitudes non presume por si soa o cumprimento dos restantes requisitos de participación.

Vigo, 18 de abril de 2012.

Salustiano Mato de la Iglesia
Reitor da Universidade de Vigo