Marta Yanguas del Valle, secretaria xudicial de reforzo do Xulgado do Social número 3 da Coruña, fago saber que nos autos rexistrados co número 1025/2009 se ditou a resolución cuxo encabezamento e decisión son os seguintes:
«Sentenza.
A Coruña, 23 de marzo de 2012.
Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou a presente resolución nos autos de procedemento sobre reclamación de cantidade 1025/2009, sendo demandante Andrea Fernández Álvarez, representada polo letrado Sr. Pedreira Candal, e demandadas a empresa Obras y Servicios Obranor, S.L., así como a Administración Concursal de Obras y Servicios Obranor, S.L., e foi citado, do mesmo xeito, o Fondo de Garantía Salarial (Fogasa).
Dispoño que debo estimar e estimo a demanda interposta por parte de Andrea Fernández Álvarez contra a empresa Obras y Servicios Obranor, S.L. e contra a Administración Concursal de Obras y Servicios Obranor, S.L. e, en consecuencia, condeno a empresa a aboarlle a Andrea Fernández Álvarez a cantidade de 1.451,18 euros que debe.
Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.
Notifíqueselles a presente sentenza ás partes.
Contra esta resolución non cabe interpor ningún recurso.
Así o pronuncio, mando e asino.
Publicación. A anterior sentenza foi lida e publicada pola maxistrada xuíza que a subscribe no día da súa data, do cal eu, a secretaria xudicial, dou fe».
E para que lle sirva de notificación a Obranor (Obras y Servicios, S.L.), expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 27 de marzo de 2012.
A secretaria xudicial