Marta Yanguas del Valle, secretaria de reforzo do Xulgado do Social número 3 da Coruña, fago saber que nos autos rexistrados co número 1419/2009 se ditou a resolución cuxo encabezamento e decisión son os seguintes:
«Sentenza.
A Coruña, 22 de marzo de 2012.
Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou a presente resolución nos autos de procedemento sobre reclamación de cantidade 1419/2009, sendo demandantes María Luz Mato López, José Adrián Pérez Collazo e Ismael Ferrín Marcote, representados polo letrado Sr. Martínez Ramonde, e demandadas as empresas Electricidad y Telecomunicaciones Patxi, S.L., e foi citado, do mesmo xeito, o Fondo de Garantía Salarial (Fogasa).
Dispoño que debo estimar e estimo a demanda interposta por parte de María Luz Mato López, de José Adrián Pérez Collazo e de Ismael Ferrín Marcote contra a empresa Electricidad y Telecomunicaciones Patxi, S.L. e, en consecuencia, condeno a esta última a aboarlle a María Luz Mato López a cantidade de 1.655,59 euros, a José Adrián Pérez Collazo a suma de 3.415,72 euros e a Ismael Ferrín Marcote o montante de 3.415,72 euros que deben, cantidades, estas, que deberán incrementarse co xuro de mora do 10%.
Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.
Notifíqueselles a presente sentenza ás partes.
Contra esta resolución cabe interpor recurso de suplicación ante o Tribunal Superior de Xustiza de Galicia, o cal deberá ser anunciado no prazo dos 5 días seguintes á notificación desta sentenza.
Así o pronuncio, mando e asino».
Publicación. A anterior sentenza foi lida e publicada pola maxistrada xuíza que a subscribe no día da súa data, do cal eu, a secretaria xudicial, dou fe.
E para que sirva de notificación a Electricidad y Telecomunicaciones Patxi, S.L., expídese este edicto para a súa publicación no Diario Oficial de Galicia e colocación no taboleiro de anuncios.
A Coruña, 28 de marzo de 2012.
A secretaria xudicial