Marta Yanguas del Valle, secretaria xudicial de reforzo do Xulgado do Social número 3 da Coruña, fago saber que nos autos rexistrados co número 1352/2009 se ditou a resolución cuxo encabezamento e decisión son os seguintes:
«Sentenza.
A Coruña, 22 de marzo de 2012.
Ana Rodríguez Piorno, maxistrada xuíza do Xulgado do Social número 3 (reforzo) da Coruña, ditou a presente resolución nos autos de procedemento sobre reclamación de cantidade 1352/2009, sendo demandantes Eva Picallo Cernadas e María José Tercero Toribio, representada polo letrado Sr. Martínez Ramonde, e demandada a empresa Exclusive Seller, S.L., despois de ser citado, do mesmo xeito, o Fondo de Garantía Salarial (Fogasa).
Dispoño que debo estimar e estimo a demanda interposta por parte de Eva Picallo Cernadas e de María José Tercero Toribio contra a empresa Exclusive Seller, S.L. e, en consecuencia, condeno esta última a aboarlle a Eva Picallo Cernadas a cantidade de 1.275,81 euros e a María José Tercero Toribio a suma de 1.482,08 euros que deben, cantidades, estas, que deberán incrementarse co xuro de mora do 10%.
Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.
Notifíqueselles a presente sentenza ás partes.
Contra esta resolución non cabe interpor ningún recurso.
Así o pronuncio, mando e asino.
Publicación. A anterior sentenza foi lida e publicada pola maxistrada xuíza que a subscribe no día da súa data, do cal eu, a secretaria xudicial, dou fe.»
E para que sirva de notificación a Exclusive Seller, S.L., expídese este edicto para a súa publicación no Diario Oficial de Galicia e colocación no taboleiro de anuncios.
A Coruña, 28 de marzo de 2012.
A secretaria xudicial