María Mercedes Santos García, secretaria xudicial de reforzo do Xulgado do Social número 1 da Coruña, fago saber que no procedemento PO 919/2011, seguido neste xulgado, se ditou sentenza cuxo encabezamento e resolución son do teor literal seguinte:
«Na Coruña, o 20 de xaneiro de 2012. Vistos por Montserrat Matos Salgado, maxistrada xuíza substituta do Xulgado do Social número 1 (reforzo) da Coruña e o seu partido, estes autos de xuízo número 919/2011 seguidos por instancia de Gemma Souto Prego, asistida polo letrado Sr. Gude Troitiño, contra a empresa Laboratorios Suárez, S.L., en rebeldía procesual, e contra o Fogasa, que comparece representado pola letrada Sra. Abajo Lera; a litis versa sobre reclamación de salarios.
Decido que, estimando integramente a demanda formulada por Gemma Souto Prego, asistida polo letrado Sr. Gude Troitiño, contra a empresa Laboratorios Suárez, S.L., en rebeldía procesual, e contra o Fogasa, que comparece representado pola letrada Sra. Abajo Lera, debo condenar e condeno a demandada a aboar á demandante a suma de 3.188,22 euros, no sentido exposto no fundamento primeiro, incrementada cos xuros moratorios pertinentes. Así mesmo, debo absolver o Fogasa sen prexuízo da súa responsabilidade subsidiaria nos supostos previstos no artigo 33 ET. Notifíqueselles esta resolución ás partes ás que se fará saber que esta non é firme e contra ela cabe interpoñer recurso de suplicación para ante o Tribunal Superior de Xustiza de Galicia, debendo anuncialo ante este xulgado no prazo de cinco días contados desde notificación desta sentenza, do que coñecerá, se é o caso, a Sala do Social do Tribunal Superior de Xustiza de Galicia, tal como establece o artigo 188 e seguintes do texto refundido da lei, aprobado polo Real decreto lexislativo 2/1995, do 7 de abril, pasados os cales quedará firme e procederase ao seu arquivamento».
E para que sirva de notificación en legal forma á empresa Laboratorios Suárez, S.L., en ignorado paradoiro, expido esta para a súa inserción no Diario Oficial de Galicia.
A Coruña, 24 de marzo de 2012.
A secretaria xudicial
