María Mercedes Santos García, secretaria xudicial de reforzo do Xulgado do Social número 1 da Coruña, fago saber que no procedemento PO 887/2011, seguido neste xulgado, se ditou sentenza cuxo encabezamento e decisión é do teor literal seguinte:

«Na Coruña, vinte de xaneiro de dous mil doce. Vistos por Montserrat Matos Salgado, maxistrada xuíza substituta do Xulgado do Social número 1 (reforzo) da Coruña e o seu partido, os presentes autos de xuízo n.º 905/2011 seguidos por instancia de Manuel García Torres, asistido polo letrado Sr. Valiño Ferreiro contra a empresa Técnica Instalacións Coruña, S.L., en rebeldía procesual, comparece o Administrador Concursal de Compañía Técnica Instalacións Coruña, S.L., o letrado Sr. Calvo Orosa, e contra o Fogasa, que non comparece, versando a litis sobre reclamación de salarios.

Decido que estimando integramente a demanda formulada por Manuel García Torres, asistido polo letrado Sr. Valiño Ferreiro contra a empresa Técnica Instalacións Coruña, S.L., en rebeldía procesual, comparece o Administrador Concursal de Compañía Técnica Instalacións Coruña, S.L., o letrado Sr. Calvo Orosa, e contra o Fogasa, que non comparece, debo condenar e condeno a demandada a aboar á actora a suma de 8.625,25 euros, no sentido exposto no fundamento primeiro, incrementada cos intereses moratorios pertinentes. Así mesmo, debo absolver o Fogasa sen prexuízo da súa responsabilidade subsidiaria nos supostos previstos no art. 33 ET. Notifíquese esta resolución ás partes ás que se fará saber que esta non é firme e contra ela cabe interpoñer recurso de suplicación para ante o Tribunal Superior de Xustiza de Galicia, debendo anuncialo ante este xulgado no prazo de cinco días a contar da notificación desta sentenza, do que coñecerá, se é o caso, a Sala do Social do Tribunal Superior de Xustiza de Galicia, tal como establece o artigo 188 e seguintes do texto refundido da lei, aprobado por Real decreto lexislativo 2/1995, do 7 de abril, pasados os cales quedará firme e se procederá ao seu arquivo».

E para que sirva de notificación en legal forma á empresa Técnica Instalaciones Coruña, S.L., expido a presente para a súa inserción no Diario Oficial de Galicia.

A Coruña, 24 de marzo de 2012.

A secretaria xudicial