María Mercedes Santos García, secretaria xudicial de reforzo do Xulgado do Social número 2 da Coruña, fago saber que no procedemento de demanda 135/2009, seguido neste xulgado, ditouse sentenza cuxo encabezamento e resolución é do teor literal seguinte:

«Na Coruña, catorce de marzo de dous mil doce. Vistos por Montserrat Matos Salgado, maxistrada xuíza substituta do Xulgado do Social número 2 (reforzo) da Coruña e o seu partido, estes autos de xuízo número 135/2009 seguidos por instancia de Isabel Mallo Ramos, Lourdes María Couto Varela e Miriam María García Pombo, representadas polo letrado Sr. Nogueira Esmorís, contra a empresa Tenascar, S.L., en rebeldía procesual, e o Fogasa, que non comparece; a litis versa sobre reclamación de salarios.

Decido que, estimando integramente a demanda formulada por Isabel Mallo Ramos, Lourdes María Couto Varela e Miriam María García Pombo, representadas polo letrado Sr. Nogueira Esmorís, contra a empresa Tenascar, S.L., en rebeldía procesual, e o Fogasa, que non comparece, debo condenar e condeno a demandada a aboar a Isabel Mallo Ramos a cantidade de 5.343,46 euros, a Lourdes María Couto Varela a cantidade de 5.562,66 euros e a Miriam María García Pombo a cantidade de 2.400,35 euros, incrementada cos xuros moratorios pertinentes. Así mesmo, debo absolver e absolvo o Fogasa, sen prexuízo da súa responsabilidade subsidiaria nos termos establecidos no artigo 33 ET. Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivo. Advírtase igualmente ao recorrente que non fose traballador ou beneficiario do réxime público de Seguridade Social, ou habentes causa seus, ou non teña recoñecido o beneficio de xustiza gratuíta, que deberá depositar a cantidade de 300 euros (artigo 229 da Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».

E para que sirva de notificación en legal forma á empresa Tenascar, S.L., en ignorado paradoiro, expido esta para a súa inserción no Diario Oficial de Galicia.

A Coruña, 23 de marzo de 2012.

A secretaria xudicial