Visto o expediente instruído para os efectos de transmisión da batea Sodi IV e da concesión administrativa que o ampara, resulta:

a) Antecedentes de feito.

Primeiro. Mediante escrito do 18.1.2012, Rosa Gómez Castro, en representación da comunidade de herdeiros de José Vidal Silva, solicitou autorización para transmisión da concesión da batea Sodi IV.

Segundo. O interesado achegou a documentación requirida para a tramitación.

Terceiro. O informe do Servizo de Protección dos Recursos sobre as características da batea é favorable.

b) Fundamentos xurídicos.

Primeiro. Este órgano é competente para resolver o expediente, de conformidade coa Lei 11/2008, do 3 de decembro, de pesca de Galicia (DOG n.º 243, do 16 de decembro), modificada pola Lei 6/2009, do 11 de decembro (DOG n.º 243, do 15 de decembro), e coa Orde do 20 de xaneiro de 2012, de delegación de competencias nos xefes territoriais da Consellería do Medio Rural e do Mar.

Segundo. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, do réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

Resolve:

Autorizar a transmisión mortis causa, a favor de José Mario Vidal Gómez (52931913-N) 100% privativa, da concesión que se indica a continuación:

Identificación:

Tipo: batea.

Nome: Sodi IV.

Localización:

Cuadrícula n.º: 12.

Polígono: C.

Distrito: Caramiñal (A Coruña).

Especies autorizadas: mexillón (Mytilus galloprovincialis).

Título habilitante:

Orde outorgamento: 5.11.1976.

Remate vixencia: 15.12.2019.

Actuais titulares: José Vidal Silva e Rosa Gómez Castro (76502322-K, 33242286-H) 100% gananciais.

Novo titular: José Mario Vidal Gómez (52931913-N) 100% privativa.

O novo titular subrógase nos dereitos e obrigas do anterior.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 30 de xaneiro de 2012.

A Conselleira do Medio Rural e do Mar
P.D. (Orde 20.1.2012)
O xefe territorial
P.A. (Resolución 25.1.2012)
Juan Carlos Barreiro González
Xefe de Coordinación da Área do Mar