Visto o acordo polo que se aproban as táboas salariais para o ano 2012, que suscribiu a comisión negociadora do Convenio colectivo de ámbito autonómico de Galicia para a actividade arqueolóxica, na reunión que tivo lugar o 9 de febreiro de 2012, e de conformidade co disposto no artigo 90.2 e 3 do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 713/2010, do 28 de maio, sobre rexistro e depósito de convenios e acordos colectivos de traballo.
Esta Dirección Xeral de Relacións Laborais,
ACORDA:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia, creado mediante Orde do 29 de outubro de 2010 (DOG n.º 222, do 18 de novembro).
Segundo. Dispoñer a súa publicación no Diario Oficial de Galicia.
Santiago de Compostela, 27 de febreiro de 2012.
Odilo Martiñá Rodríguez
Director xeral de Relacións Laborais
ANEXO
– Pola AEGA:
Andrés Bonilla Rodríguez, presidente.
– Pola CIG:
Mario César Vila.
Elena Lima Olveira.
Ana Tembra Piñeiro.
Manuel Díaz Vázquez.
Reunidos nos locais da CIG de Santiago de Compostela, o día 9 de febreiro de 2012, sendo as 16.30 horas, as persoas á marxe sinaladas, en representación da Asociación Empresarial AEGA e da Federación de Banca, aforro, seguros e oficinas da Confederación Intersindical Galega, na respectiva representación que desempeñan de compoñentes da Comisión Negociadora do I Convenio colectivo de ámbito autonómico de Galicia para a actividade arqueolóxica, e recoñecéndose ambas as partes capacidade lexítima para negociar, chegan aos seguintes acordos:
Primeiro. As partes asinantes en representación da AEGA e da Federación de Banca, aforro, seguros e oficinas da Confederación Intersindical Galega, respectivamente, asinaron o I Convenio colectivo de ámbito autonómico de Galicia para a actividade arqueolóxica.
Segundo. O artigo 20.2 do Convenio colectivo establece que se revalorizarán as táboas salariais na mesma porcentaxe que o IPC real de cada ano.
Terceiro. Os reunidos na representación que desempeñan e con base no disposto no artigo 20.2 do Convenio colectivo, acordan abrir as negociacións para actualizar as táboas salariais conforme o IPC real.
Cuarto. Os reunidos chegan ao acordo de revalorizar as táboas salariais para o ano 2012 no 2,40%, acompáñanse a esta acta as táboas revalorizadas e asinadas polos comparecentes.
As partes confiren mandato a Breixo Losada Valdez, para que proceda a realizar os trámites necesarios para a súa presentación e rexistro ante a autoridade laboral e publicación do DOG.
O que en proba de conformidade asinan as partes no lugar e data indicados no encabezamento.
|
Categoría |
Salario base |
Compl. asist. |
Compl. transp. |
PP.EE. |
Vacac. |
Salario br. mes |
Salario br. ano |
|
Director/a |
1.420,93 |
182,36 |
325,65 |
267,21 |
133,6 |
2.329,75 |
27.957 |
|
Técnico/a |
943,31 |
182,36 |
325,65 |
187,62 |
93,81 |
1.732,75 |
20.793 |
|
Técnico/a de apoio |
857,55 |
182,36 |
325,65 |
173,3 |
86,65 |
1.625,51 |
19.506,12 |
|
Arqueólogo/a de empresa |
937,88 |
182,36 |
108,54 |
186,71 |
93,36 |
1.508,85 |
18.106,2 |
|
Técnico/a especialista |
943,31 |
182,36 |
217,09 |
187,62 |
93,81 |
1.624,19 |
19.490,28 |
|
Oficial auxiliar |
772,88 |
182,36 |
325,65 |
159,2 |
79,61 |
1.519,7 |
18.236,4 |
|
Auxiliar |
707,76 |
182,36 |
217,09 |
148,35 |
74,18 |
1.329,74 |
15.956,88 |
|
Xefe/a administrativo/a |
801,16 |
182,36 |
108,55 |
163,94 |
81,94 |
1.337,95 |
16.055,4 |
|
Oficial administrativo/a |
770,7 |
182,36 |
108,55 |
158,92 |
79,49 |
1.300,02 |
15.600,24 |
|
Auxiliar administrativo/a |
707,76 |
182,36 |
108,55 |
148,35 |
74,18 |
1.221,20 |
14.654,4 |
