Marta Yanguas del Valle, secretaria do Xulgado do Social número 3 (reforzo) da Coruña, fago saber que nos autos rexistrados co número 993/2009 se ditou a resolución cuxo encabezamento e ditame son os seguintes:

«Sentenza.

A Coruña, 17 de febreiro de 2012.

Ana Rodríguez Piorno, maxistrada xuíza do Xulgado do Social número 3 da Coruña, en funcións de reforzo, ditou esta resolución nos autos de procedemento sobre reclamación de cantidade 993/2009, en que foron demandantes Estrella Castro Fondo, Jessica Fernández Castro e Josefa Ferreiro Gómez, representadas polo letrado Sr. Pérez López, e demandada a empresa Cunicultura Gallega, S.L. Foi citado da mesma maneira o Fondo de Garantía Salarial (Fogasa).

Dispoño que debo estimar e estimo a demanda interposta por Estrella Castro Fondo, Jessica Fernández Castro e Josefa Ferreiro Gómez contra Cunicultura Gallega, S.L. e, en consecuencia, condeno a esta última a aboarlle a Estrella Castro Fondo a cantidade de 3.597,68 euros, a Jessica Fernández Castro a cantidade de 3.546,66 euros e a Josefa Ferreiro Gómez, a cantidade de 3.358,30 euros, que lles debe.

Non procede a condena do Fondo de Garantía Salarial nesta instancia, sen prexuízo da responsabilidade que se lle poida imputar con posterioridade.

Notifíquese esta sentenza ás partes.

Contra esta resolución cabe interpor recurso de suplicación ante o Tribunal Superior de Xustiza de Galicia, que deberá ser anunciado no prazo dos cinco días seguintes ao da notificación desta sentenza.

Así o pronuncio, mando e asino.

Publicación. A anterior sentenza leuna e publicouna a maxistrada xuíza que a subscribe no día da súa data, do que eu, secretaria xudicial, dou fe».

E para que sirva de notificación a Cunicultura Gallega, S.L., expídese esta cédula para a súa publicación no Diario Oficial de Galicia e colocación no taboleiro de anuncios.

A Coruña, 24 de febreiro de 2012.

A secretaria xudicial
Rubricado