Juan Rey Pita, secretario do Xulgado do Social número 3 da Coruña.
Fago saber que no proceso seguido por instancia de Jorge Antonio Tacón Suárez, J. Luis Dopazo Vázquez contra Claro Sol, S.A., JVB Servicios Logísticos para Grandes Superficies, S.L., Movimientos de Mercancías, S.L., en reclamación por ordinario, rexistrado co n.º 1123/2009 ditouse a seguinte sentenza:
«Na cidade da Coruña o 31 de xaneiro de 2012.
Carlos Villarino Moure, maxistrado xuíz do Xulgado do Social número 3 do Xulgado e localidade ou provincia da Coruña tras ver os presentes autos sobre ordinario entre partes, dunha e como demandante Jorge Antonio Tacón Suárez, J. Luis Dopazo Vázquez e comparecen asistidos polo licenciado José Páramo Sureda e doutra como demandado Claro Sol, S.A. representado pola Ltda. María Jesús Aranga Madrigal e as empresas JVB Servicios Logísticos para Grandes Superficies, S.L. e Movimientos de Mercancías, S.L. non comparecen malia estar citada.
En nome do rei
Ditou a seguinte sentenza 75/2012.
Antecedentes de feito.
Primeiro. José Luis Dopazo Vázquez e Jorge Antonio Tacón Suárez presentaron o día 6 de outubro de 2009 ante o Decanato desta cidade unha demanda sobre recoñecemento de antigüidade fronte ás empresas Claro Sol, S.A., Movimientos de Mercancías, S.L. e JVB Servicios Logísticos para Grandes Superficies, S.L., que foi alternada a este xulgado dando lugar ao xuízo de referencia.
Segundo. Admitida a trámite a demanda sinalouse como data para a realización do xuízo a do 31 de xaneiro de 2012. Compareceron os demandantes e a empresa Claro Sol, S.A. Aberto o acto, e dada conta pola demandante, afirmouse e ratificouse na demanda aclarando que o interesado era o recoñecemento de antigüidade na última das empresas na que prestaran servizos. Practicouse a proba proposta. Formuláronse conclusións, tras o que quedaron os autos vistos para sentenza.
Terceiro. Na tramitación do presente xuízo observáronse e cumprido as disposicións legais.
Feitos probados.
1.º José Luis Dopazo Vázquez prestou servizos froito dunha relación laboral para a empresa Claro Sol, S.A. entre o 31 de outubro de 1989 e o 31 de agosto de 1992. Así mesmo, prestou servizos para Movimientos de Mercancías, S.L. desde o 1 de setembro de 1992 ata o 14 de xuño de 2001; desde o 16 de xuño de 2001 ata o 19 de xuño de 2002; e desde o 21 de xuño de 2002 ata o 30 de abril de 2006. Desde o 1 de maio de 2006 prestou servizos para JVB Servicios Logísticos para Grandes Superficies, S.L.
Jorge Antonio Tacón Suárez prestou servizos froito dunha relación laboral para a empresa Claro Sol, S.A. desde o 23 de febreiro de 1989 ata o 17 de abril de 1989; do 18 de abril de 1989 ao 17 de xuño de 1989; do 19 de xuño de 1989 ao 30 de xuño de 1989; do 3 de xullo de 1989 ao 2 de xaneiro de 1990; e do 3 de xaneiro de 1990 ao 31 de agosto de 1992. Así mesmo, prestou servizos para Movimientos de Mercancías, S.L. desde o 1 de setembro de 1992 ata o 30 de abril de 2006. E para JVB Servicios Logísticos para Grandes Superficies, S.L. desde o 1 de maio de 2006.
2.º Para as empresas citadas os actores prestaron servizos en El Corte Inglés da rúa Ramón e Cajal da Coruña, realizando o transporte de mercadorías para tal establecemento. Movimientos de Mercancías, S.L. e JVB Servicios Logísticos para Grandes Superficies, S.L. subrogáronse na relación laboral que mantiñan os demandantes no momento en que resultaron novas contratistas do servizo de transporte de El Corte Inglés.
3.º O 6 de outubro de 2009 celebrouse acto de conciliación ante o SMAC.
Fundamentos de dereito.
Primeiro. Os feitos declarados como probados sono con base na proba documental practicada, así como por aplicación da facultade de ter por recoñecidos os feitos recollida no artigo 91.2 LPL. Tal precepto resulta aplicable respecto de dúas das codemandadas, e así mesmo, en canto á que si compareceu, debe indicarse que no acto de xuízo se sinalou que non se opoñía a que se tivese por data de inicio da relación laboral a que resultase da documental en autos. Así pois, e á marxe do indicado, o feito probado primeiro resulta das vidas laborais achegadas polos demandantes, e o segundo da aplicación do artigo 91.2 LPL.
Segundo. Os demandantes pretenden que se declare que na relación laboral con JVB Servicios Logísticos para Grandes Superficies, S.L. lles correspondía o recoñecemento dunha antigüidade do 31 de outubro de 1989 (José Luis) e do 23 de febreiro de 1989 (Jorge Antonio), tal e como aclarou no acto da vista a parte demandante. Pois ben, á vista do relato de feitos probados e dada a subrogación acreditados –feito probado segundo–, procede estimar a acción exercitada, por aplicación do artigo 44.1 ET. Tal precepto prevé a subrogación «nos dereitos e obrigas laborais» no caso de sucesión de empresa, centro de traballo ou unidade produtiva, e entre tales dereitos cabe incluír a antigüidade aquí controvertida. A este respecto, debe sinalarse que existindo unha continuidade na prestación de servizos con apenas un ou dous días de interrupción entre cada novo contrato, e manténdose polo tanto a unidade esencial do vínculo laboral, a antigüidade que debe recoñecerse na última subrogación por aplicación do artigo 44.1 ET, é a antes indicada.
En consecuencia, procede ditar un pronunciamento declarativo nos termos sinalados e respecto da única demandada en relación á que se interesou este no acto da vista.
Por todo iso, vistos os preceptos citados e demais de xeral e pertinente aplicación
DECIDO:
1.º Estimo a acción declarativa sobre recoñecemento de antigüidade interposto José Luis Dopazo Vázquez e Jorge Antonio Tacón Suárez fronte á empresa JVB Servicios Logísticos para Grandes Superficies, S.L., declarando o seguinte:
– Que a antigüidade que ha de serlle recoñecida a José Luis Dopazo Vázquez na citada empresa é a do 31 de outubro de 1989.
– Que a antigüidade que ha de serlle recoñecida a Jorge Antonio Tacón Suárez na citada empresa é a do 23 de febreiro de 1989.
2.º E desestimo a acción exercitada fronte a Claro Sol, S.A. e Movimientos de Mercancías, S.L. e
Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza que deberá ser anunciado por comparecencia, ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtase igualmente ao recorrente que non fose traballador ou beneficiario do réxime público de Seguridade Social, ou habente causa súas, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en (Banesto 0030.1846) a nome deste xulgado co número 1533.0000.65.1123.09 acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de Depósitos e Consignacións a nome deste xulgado, co n.º 1533.0000.60.1123.09 a cantidade obxecto de condena, ou formalizar aval bancario pola devandita cantidade no que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, ao momento de anuncialo.
Así, por esta a miña sentenza, definitivamente xulgando, pronúncioo, mando e asino».
Publicación. Lida e publicada foi a anterior sentenza polo maxistrado que a ditou, atopándose celebrando Audiencia Pública no día da data do que dou fe.
E para que sirva de notificación a Claro Sol, S.A., JVB Servicios Logísticos para Grandes Superficies, S.L., Movimientos de Mercancías, S.L., expídese a presente cédula para a súa publicación no Diario Oficial de Galicia e colocación no taboleiro de anuncios.
Na Coruña o 9 de febreiro de 2012.
O secretario xudicial
