Maxistrado xuíz: Fernando Ferreiro Rozas.

Santiago de Compostela, 16 de xuño de 2010.

Feito.

Único. A representación de Mercedes Vieites Mella presentou escrito do 19 de novembro de 2009 polo cal se solicitaba a rectificación da Sentenza do 9 de novembro de 2009, en atención aos feitos e fundamentos que constan no escrito.

Razonamentos xurídicos.

Único. Acéptanse como válidos os argumentos esgrimidos pola demandante en canto a referencia ao predio n.º 930 cuxa titularidade se discutía no preito se debe facer unicamente á metade indivisa deste, tal como se solicitaba na demanda. Verificado o erro involuntario habido na Sentenza do 9 de novembro de 2009, en virtude do disposto no artigo 267 da LOPX e 215 da LAC, acórdase modificar a dita resolución nos termos que se expresan na parte dispositiva.

Parte dispositiva.

Acórdase modificar a Sentenza do 9 de novembro de 2009 no seguinte:

No fundamento de dereito primeiro, onde di: «a propiedade do predio n.º 930», debe dicir: «a propiedade da metade indivisa do predio n.º 930».

No fundamento de dereito segundo, onde di: «se Mercedes Vieites Mella é propietaria do predio n.º 930», debe dicir: «se Mercedes Vieites Mella é propietaria da metade indivisa do predio n.º 930».

Na decisión da sentenza, parágrafo 1.º, onde di: «Declarando que Mercedes Vieites Mella é lexítima propietaria do predio n.º 930», debe dicir: «Declarando que Mercedes Vieites Mella é lexítima propietaria da metade indivisa do predio n.º 930».

Na decisión da sentenza, parágrafo 2.º, onde di: «sobre o indicado predio rexistral n.º 14022», debe dicir: «sobre a indicada metade indivisa do terreo rexistral n.º 14022».

Notifíqueselles esta resolución ás partes advertíndolles que contra ela non cabe recurso ningún, sen prexuízo do que corresponda á sentenza cuxo contido se corrixe.

Así o acorda, manda e asina, Fernando Ferreiro Rozas, maxistrado xuíz do Xulgado de Primera Instancia número 1 de Santiago de Compostela.

Maxistrado xuíz Secretaria