O Pleno da Deputación Provincial de Pontevedra, na sesión ordinaria que tivo lugar o día 25 de novembro de 2011, acordou, por unanimidade, aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que en materia de recursos locais realizou o Concello de Ponte Caldelas, por acordo do Pleno do 21 de xullo de 2011 e seguindo o establecido nos artigos 106.3 da Lei 7/1985, do 2 de abril, reguladora das bases de réxime local, e no 7 do citado Real decreto lexislativo 2/2004, para que a Deputación Provincial de Pontevedra exerza as facultades de colaboración na tramitación dos expedientes sancionadores en materia de tráfico e o exercicio directo das facultades de recadación en período voluntario e executivo das débedas correspondentes a sancións por infracción da normativa xeral reguladora do tráfico, da circulación de vehículos de motor e seguridade viaria.

A citada delegación será levada a cabo polo Organismo Autónomo Provincial de Xestión de Recursos Locais (Oral).

O que se fai público para xeral coñecemento.

Pontevedra, 29 de decembro de 2011.