Aprobado definitivamente de forma parcial o Plan Xeral de Ordenación Municipal do Concello de Sober por Orde do 6 de agosto de 2009, da Secretaría Xeral de Ordenación do Territorio e Urbanismo (Consellería de Medio Ambiente, Territorio e Infraestruturas), e tendo en conta que na parte deixada en suspenso o concello introduciu modificacións substanciais sobre o documento inicialmente aprobado, sométese a información pública polo prazo de dous meses contado desde o día seguinte ao da publicación deste anuncio no Diario Oficial de Galicia, de conformidade cos artigos 85.2 e 85.8 da Lei 9/2002, do 30 de decembro, de ordenación urbanística e protección do medio Rural de Galicia.
Durante o devandito prazo o expediente poderá ser examinado por calquera interesado nas dependencias municipais para que se formulen as alegacións que se consideren pertinentes sobre a parte que se atopa en suspenso e non foi aprobada pola Orde do 6 de agosto de 2009, da Secretaría Xeral de Ordenación do Territorio e Urbanismo (Consellería de Medio Ambiente, Territorio e Infraestruturas).
Sober, 12 de xaneiro de 2012.
Luis Fernández Guitián
Alcalde