Ana María Carrasco García, secretaria do Xulgado do Social número catro da Coruña, dá fe e certifica
que neste xulgado se seguen autos número 128/2003, por instancia de Irene Manso Mera e outras contra a empresa Carrogio, S.A. e Alejandro Pita Montero sobre salarios nos que recaeu sentencia o 6 de novembro de 2003, que copiada nos particulares necesarios di así:
«Decido que estimando a demanda promovida por Irene Manso Mera, Silvia María Fernández Carro e Rosa Iglesias García contra as empresas Carrogio, S.A. e a empresa Alejandro Pita Montero debo condenar e condeno a demandada a que lle aboe ás demandantes as cantidades seguintes: 687,15 para Irene Manso Mera, 3.194,56 para Silvia María Fernández Carro e 3.562,38 para Rosa Iglesias García por tódolos conceptos reclamados na demanda.
Así por esta miña sentencia contra a que se poderá interpoñer recurso de suplicación para ante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de emprendelo mediante comparecencia ou por escrito sendo indispensable que no momento de anuncialo o recorrente, se é empresario, exhiba perante este xulgado do social o xustificante acreditativo de que depositou na conta deste xulgado aberta no grupo Banesto (Banco Español de Crédito, S.A. e Banco de Vitoria, S.A.) co número 5605 0000 60 0454 03, a cantidade obxecto da condena, podendo substituírse a consignación en metálico polo aseguramento mediante aval bancario, no que se deberá facer consta-la responsabilidade solidaria do avalista; sen este requisito non poderá terse por anunciado o recurso e quedará firme a sentencia. Deberá consignar ademais a cantidade de 150,25 euros na mesma conta 5605 0000 65 0454 03 entregándose o
xustificante na secretaría no momento de interpoñe-lo recurso declarándose este desistido de non se constituí-lo dito depósito na forma indicada, definitivamente xulgando en primeira instancia, pronúncioo, mándoo e asínoo».
Notifíquese esta resolución ás partes e fágaselles saber que contra ela cabe recurso de suplicación, que se anunciará dentro dos cinco días seguintes á notificación da sentencia, perante este xulgado do que coñecerá, se é o caso, a Sala do Social do Tribunal Superior de Xustiza de Galicia, tal como establecen os artigos 188 e ss. do texto refundido da Lei de procedemento laboral aprobado polo Real decreto lexislativo 2/1995, do 7 de abril.
Así por esta miña sentencia definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Carrogio, S.A. e a empresa Alejandro Pita Montero, expido e asino esta cédula na Coruña o 14 de novembro de 2003.
A secretaria xudicial
Rubricado