O director xeral de Obras Públicas, por delegación do conselleiro de Política Territorial, Obras Públicas e Vivenda dictou resolución nos expedientes sancionadores que se relacionan no anexo.

Nas devanditas resolucións sancionadoras, ademais de impoñe-la sanción de multa que en cada caso se indica, acordouse ordena-la restitución do medio físico ás condicións anteriores á comisión da infración nun prazo de 15 días contados desde a notificación (artigo 47.3ª LEG), con expresa advertencia da posibilidade de impoñer multas coercitivas (artigo 47.4ª LEG) e a posibilidade de proceder á súa execución subsidiaria por conta do causante.

Intentada a notificación persoal destas, consonte establece o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, non foi posible a súa práctica.

Por medio deste, e segundo dispoñen os artigos 59.5º e 61 da devandita norma legal, notifícaselles ás persoas que se relacionan no anexo o contido das referidas resolucións recaídas nos expedientes sancionadores instruídos por infraccións da normativa reguladora en materia de estradas.

Os interesados despoñen dun prazo de dez días, computados dende o día seguinte ó da publicación desta cédula, para examina-lo expediente sancionador depositado no Servicio de Xestión Xurídico-Administrativa da Dirección Xeral de Obras Públicas, sito nos edificios administrativos de San Caetano en Santiago de Compostela.

Así mesmo, ponse no seu coñecemento que as ditas resolucións sancionadoras esgotan a vía administrativa, podendo interpoñer ben recurso potestativo de reposición ante o conselleiro de Política Territorial, Obras Públicas e Vivenda, ou ben directamente recurso contencioso- administrativo perante a Sala do Contencioso-Administrativa do Tribunal Superior de Xustiza de Galicia.

Os prazos de interposición de cadanseu recurso será respectivamente, dun mes e de dous meses computados desde o día seguinte ó do remate do prazo de dez días antes sinalado ou da comparecencia do interesado, de se-lo caso.

As sancións impostas deberán facerse efectivas mediante ingreso en calquera oficina da Caixa Galicia, conta contable 840, código 01 ou Caixanova, recadación Xunta, modelo XTAX, e de non facelo así, procederase ó seu cobramento pola vía de constrinximento, consonte regula o artigo 97 da Lei 30/1992, do 26 de novembro.

E para que conste e lles sirva de notificación ós interesados, asino e selo esta cédula.

Santiago de Compostela, 24 de novembro de 2003.

José Antonio Domínguez Varela

Xefe do Servicio de Xestión

Xurídico-Administrativa

ANEXO