De conformidade co disposto no artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle á persoa que no anexo se menciona, a resolución do expediente sancionador por infracción á Lei 10/1998, do 21 de abril, de residuos.

Non obstante, de acordo cos arts. 107, 114 e 115 da Lei 4/1999, de modificación da Lei 30/1992, do 26 de novembro, contra esta resolución que non esgota a vía administrativa, poderá interpor recurso de alzada perante o conselleiro de Medio Ambiente no prazo dun mes contado desde o día seguinte ó desta publicación.

O pagamento voluntario porá fin ó expediente. O importe da sanción que en cada caso corresponda, farase efectiva empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia no prazo de quince días hábiles contados a partir do día seguinte ó que a presente resolución adquira firmeza -a firmeza producirase ó non interpoñer recurso no prazo indicado-. De non facelo dentro do prazo sinalado, procederase ó seu cobramento pola vía de constriximento.

Ourense, 10 novembro de 2003.

Agustín Prado Verdeal

Delegado provincial de Ourense

ANEXO

Expediente: OU-029/03 RE.

Denunciado: Manuel Gómez Frol.

Último enderezo coñecido: r/ Barbantiño 10, baixo. Ourense.

Feito probado: verter restos de rótulos luminosos en Plexiglás, na marxe esquerda do río Varón.

Precepto infrinxido e sancionador: artigo 34.4º c) en relación co art. 34.3º b) da Lei 10/1998, de 21 de abril, de residuos.

Cualificación da infracción: leve.

Sanción: multa de 300,51 A, e a obriga de repoñer as cousas ó seu estado anterior á infracción.