A Orde do 26 de xullo de 2000 pola que se establecen as bases reguladoras aplicables á concesión de axudas a investimentos no ámbito da acuicultura mariña (DOG nº 150, do 3 de agosto), modificada polas ordes do 1 de decembro de 2000 (DOG nº 49, do 9 de marzo de 2001) e do 26 de novembro de 20002, que as fai extensivas á concesión de axudas no ámbito da acuicultura en augas continentais (DOG nº 231, do 29 de novembro), establece no seu artigo 4 que nos exercicios sucesivos da vixencia do actual Programa Operativo IFOP 2000-2006 as axudas outorgaranse con cargo ás aplicacións orzamentarias que para esta mesma finalidade se deter

minen na Lei de orzamentos xerais da Comunidade Autónoma de Galicia do ano correspondente.

Así mesmo, dispón no seu artigo 15 que para cada anualidade o prazo de presentación de solicitudes corresponderase co mes de decembro do ano inmediatamente anterior.

A Lei de orzamentos xerais da Comunidade Autónoma para o ano 2003 prevé que o prazo de presentación de solicitudes das axudas non será inferior a corenta días hábiles.

Aprobado polo Consello da Xunta de Galicia o proxecto de Lei de orzamentos da Comunidade Autónoma para o vindeiro exercicio orzamentario, procede establece-lo importe global máximo para a concesión destas axudas no exercicio de 2004.

Por todo o exposto esta consellería,

DISPÓN:

Artigo 1º

O prazo de presentación de solicitudes de axuda ó abeiro da Orde do 26 de xullo de 2000 pola que

se establecen as bases reguladoras aplicables á concesión de axudas a investimentos no ámbito da acuicultura (DOG nº 150, do 3 de agosto), modificada polas ordes do 1 de decembro de 2000 (DOG nº 49, do 9 de marzo de 2001) e do 26 de novembro de 2002 (DOG nº 231, do 29 de novembro), para o exercicio orzamentario 2004 abranguerá desde o 1 de decembro de 2003 ata o 31 de xaneiro de 2004, ambos incluídos.

Artigo 2º.-As axudas outorgaranse con cargo á aplicación orzamentaria 12.02.721B.771.1, que figura dotada no proxecto de Lei de orzamentos da Comunidade Autónoma de Galicia para 2004, e ata un importe máximo de 4.439.609,50 euros.

En todo caso, e de conformidade co disposto na Orde do 11 de febreiro de 1998 (DOG nº 33, do 19 de febreiro), sobre tramitación anticipada de expedientes de gasto, o gasto que se proxecta queda condicionado á existencia de crédito axeitado e suficiente nos orzamentos xerais da Comunidade Autónoma de Galicia para 2004.

Disposición derradeira

Única.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 4 de decembro de 2003.

Enrique César López Veiga

Conselleiro de Pesca e Asuntos Marítimo