De conformidade co punto 12 das bases xerais para cubrir polo sistema de concurso, como persoal laboral fixo, unha praza de peón de obras e servicios vacante no cadro de persoal deste concello publicadas no BOP nº 102, do 6 de maio de 2003, o tribunal cualificador, con data 16 de outubro de 2003, declarou aprobado ó aspirante Antonio Fernández Fernández, titular de DNI 33333286-F, propoñendo á Alcaldía que, tralo cumprimento polo aspirante aprobado do establecido no punto 13 das referidas bases, proceda a resolve-lo proceso selectivo ó seu favor.
Á vista da proposta do tribunal cualificador, de conformidade con ela, e presentado polo aspirante aprobado a documentación esixida no punto 13 das bases.
Esta Alcaldía, en uso das atribucións conferidas polo artigo 21.1 H) da Lei 7/1985, do 2 de abril, reguladora das bases de réxime local e 61.1º da Lei 5/1997, do 22 de xullo, de Administración local de Galicia.
RESOLVE:
Primeiro.-Declarar aprobado por supera-lo concurso para prover, como persoal laboral fixo, unha praza de peón de obras e servicios do cadro de persoal laboral deste concello e, polo tanto, resolve-lo proceso selectivo a favor de Antonio Fernández Fernández, titular de DNI 33333286-F.
Segundo.-Publíquese esta resolución no taboleiro municipal de anuncios, BOP, DOG e notifíqueselles ós interesados.
En contra deste acordo que pon fín a vía administrativa, pódese interpoñer, de conformidade co disposto no artigo 116 da Lei 30/1992, do 26 de novembro, reformada pola Lei 4/1999, do 13 de xaneiro, recurso potestativo de reposición, no prazo dun mes, ou directamente recurso contencioso-administrativo, perante a xurisdicción contencioso-administrativa, no prazo de dous meses desde a súa notificación.
De ter interposto recurso de reposición, non se poderá interpoñer recurso contencioso-administrativo ata que sexa resolto expresamente ou se producirá a súa desestimación presunta.
Poderase interpoñer igualmente calquera outro recurso que estime procedente.
Navia de Suarna, 7 de novembro de 2003.
O alcalde
Rubricado
