Eu, Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 687/2003, por instancia de José Antonio Blanco Louro e outros contra Construcciones Fergama, S.L., sobre despedimento, nos que recaeu sentencia en data 27 de outubro de 2003, que copiada nos particulares di así:

Que, estimando a demanda formulada por José Antonio Blanco Louro e outros, declaro a improcedencia do seu despedimento e condeno á empresa Construcciones Fergama, S.L. que a súa elección, e para efectuar no prazo de cinco días, os readmita no seu posto e condicións de traballo ou os indemnice coa cantidade de 31.963,53 euros a José Antonio Blanco Louro, 27.316,16 euros a José Antonio Pardo Garabato, 27.261,77 euros a Amancio Castro Candal e 18.118,47 euros a José Luis López Pardo, así como aboarlles en concepto de salarios de tramitación a cantidade de 5.048,92 euros ó Sr. Pardo Garabato, 5.048,92 euros ó Sr. Castro Candal e 4.761,55 euros ó Sr. López Pardo.

Notifíqueselle-la presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.

Prevese a empresa demandada de que para recorrer deberá acreditar ter ingresado na c/c de consignacións código 5604.0000.60.0897.03 de Banesto (0030) desta cidade, denominada Conta do Xulgado do Social Número Tres, o importe da condena e 150,25 euros en concepto de depósito, sen estes requisitos non será admitido a trámite o recurso, quendado firme a sentencia.

Así mesmo, advírteselle á parte demandada que se fai uso de tal dereito, optando pola readmisión, durante a substanciación do procedemento deberá aboar á parte actora o mesmo salario que percibiría, estando obrigada esta a presta-los seus servicios á demandada, a non ser que a prefira facer uso de tal aboamento sen percibir compensación ningunha por parte da actora.

Así, por esta miña sentencia da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que lle sirva de notificación en forma á empresa Construcciones Fergama, S.L., expido e asino esta cédula na Coruña o 28 de outubro de 2003.

Juan Rey Pita

Rubricado