Eu, Jaime Balado Yáñez, secretario xudicial do Xulgado do Social número dous da Coruña,
Dou fe e testemuño de que en autos seguidos perante este xulgado do social, tramitados baixo o número 259/2003, por instancia de José Mosquera Nouche contra la empresa Abruñedo y Fernández, S.L. e Fogasa sobre salarios, se dictou a seguinte:
«Sentencia.
Na cidade da Coruña, o 24 de outubro de 2003.
Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 259/2003, seguidos por instancia de José Mosquera Nouche, maior de idade, asistido polo letrado Manuel Rey Alvela, contra a empresa Abruñedo y Fernández, S.L., que non compareceu nos autos, sendo o obxecto da reclamación, salarios.
Seguen feitos e fundamentos de dereito.
Decido que debo estimar e estimo a demanda interposta por José Mosquera Nouche contra a empresa Abruñedo y Fernández, S.L, condenando a demandada a lle abonar ó demandante a cantidade de 7.033,43 euros polos conceptos reclamados na demanda.
Notifíqueselles esta resolución ás partes, ás que se lles fará saber que contra ela só cabe recurso de suplicación ante o Tribunal de Xustiza de Galicia, anunciándose ante este xulgado no prazo de cinco días contado a partir da notificación desta sentencia e, no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este juzgado tiene aberta no Banesto desta cidade, co número de conta 0030-6349-0000-5603, clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta a miña sentencia, definitivamente xulgando en primeira instancia, pronúncio, mándoo e asino».
E para que sirva de notificación á empresa, que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 24 de octubre de 2003.
O secretario xudicial
Rubricado