De conformidade co disposto no artigo 59.4º da Lei 30/1992, do 26 de novembro, de réxime xurídico das administracións publicas e do procedemento administrativo común, notifícase o acordo da delegada territorial desta consellería en Vigo, pola que se procede ó apercibimento previo de imposición de multas coercitivas recaída no expediente administrativo sancionador e de restitución e reposición da legalidade nº 72.8/1998, tramitado a Antonio Rodríguez Domínguez na súa condición de promotor das obras consistentes na construcción de alpendre, barbacoa e muros de peche e contención, no lugar de praia de Rande, termo municipal de Redondela, dentro da zona de servidume de protección do dominio público marítimo-terrestre, carecendo da preceptiva autorización desta Comunidade Autónoma, e sendo firme a resolución recaída no referido expediente, sen ter constancia de que se procedese ó cumprimento do punto 2º da parte dispositiva da resolución, que ordeanaba volve-los terreos nos que se

executaron as obras obxecto deste expediente ó seu primitivo estado no prazo dun mes desde que sexa definitiva, acordo, en aplicación da devandita resolución, e de conformidade co disposto no artigo 107.3º da Lei 22/1988, do 28 de xullo, de costas, e nos artigos 95, 96 e 99 da Lei 30/1992, do 26 de novembro, de réxime xurídico das administracións públicas e do procedemento administrativo común, conceder un prazo de quince (15) días para proceder á restitución das cousas ó seu primitivo

estado, acreditándoo perante esta delegación. Noutro caso, a partir do vencemento do prazo concedido, procederase á imposición dunha multa coercitiva por importe de cento nove euros (109 euros), multa que será reiterada mensualmente en canto non proceda á reposición e restitución da legalidade.

Pontevedra, 3 de novembro de 2003.

Paloma Rueda Crespo

Delegada territorial de Pontevedra

CONSELLERÍA DE XUSTIZA, INTERIOR E ADMINISTRACIÓN

LOCAL