Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 660/2001, por instancia de María Teresa Fernández García,

contra o INSS e outros sobre prestacións, nos que recaeu auto de aclaración en data do 1 de outubro de 2003 que, copiada nos particulares necesarios, di así:

Parte dispositiva: ten lugar á aclaración solicitada e en consecuencia a decisión desta quedará do teor literal seguinte:

Decido: que estimando a demanda interposta por María Teresa Fernández García, contra o Instituto Nacional da Seguridade Social, a Mutua Galega de Accidentes de Traballo, a empresa Belán Textil, S.L. e a Tesourería Xeral da Seguridade Social, debo declarar e declaro que o demandante ten dereito ó recoñecemento da prestación de incapacidade temporal solicitada en demanda, condenando as demandadas a estar e pasar pola anterior declaración e á empres Belán Textil, S.L. como responsable directa do aboamento da prestación referida desde o 19 de abril de 2001 e ata o 28 de maio de 2001, en contía de 605,82 euros. Á mutua demandada que hai que anticipa-lo pagamento desde o décimo sexto día da baixa e ata a súa extinción na contía de 450,75 euros cos aumentos, melloras, revalorizacións e efectos económicos correspondentes. Absolvendo o Instituto Nacional da Seguridade Social.

Notifíquese esta resolución ás partes facéndolles saber que, contra ela, non cabe recurso ningún, sen prexuízo do recurso de suplicación contra a sentencia definitiva, que poderá anunciarse dentro dos cinco días seguintes á notificación deste auto, ante este xulgado, do que se coñecerá, se é o caso, a Sala do Social do Tribunal Superior de Xustiza de Galicia, tal e como establecen os artigos 188 e seguintes da Lei de procedemento laboral.

Así, por este meu auto, dispóñoo, mándoo e asínoo.

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Belán Textil, S.L., expido e asino a presente cédula na Coruña o un de outubro de 2003.

A secretaria xudicial

Rubricado

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA