Eu, Agustín Ignacio Pena López, secretario do Xulgado do Social número un da Coruña, fago saber que nos autos nº 399/2003, seguidos por instancia de Sheila Bernal Gutiérrez contra Seductio Corp, S.L. e Fogasa, sobre reclamación de cantidades, a maxistrada xuíza deste xulgado, Isabel Olmos Parés, dictou sentencia, con data do 22 de setembro de 2003, coa seguinte parte dispositiva:

«Que, estimando a demanda presentada por Sheila Bernal Gutiérrez, debo declarar e declaro o dereito da demandante a percibi-la cantidade de 2.118 euros polos conceptos que se expresan no feito probado segundo desta resolución e, nese sentido, debo condenar e condeno a empresa Seductio Corp, S.L. a que, estando e pasando por tal declaración, aboe á demandante a cantidade de 2.118 euros en concepto de salarios e liquidación.

E debo absolver e absuelvo o Fogasa, sen prexuízo da súa responsabilidade subsidiaria nos casos establecidos no artigo 33 do E.T.

Notifíqueselles esta sentencia ás partes, ás que lles fará saber que en contra da dita resolución cabe o recurso de suplicación, que deberá anuncialo o seu avogado ou representante legal designado para o efecto, perante este xulgado, no prazo de cinco días contado a partir da notificación desta sentencia,

por comparecencia ou por escrito das partes. É posible o anuncio por mera manifestación da parte recorrente ó ser notificada, e será resolto, se é o caso e cumpridos os trámites legais, pola Sala do Social do Tribunal Superior de Xustiza de Galicia. A empresa condenada deberá, ademais, acreditar ó anuncia-lo recurso, ter consignado o importe da condena na conta de consignacións deste xulgado, aberta no BBV, conta nº 5602-60, e que pode substituírse polo aseguramento mediante aval bancario, coa constancia da responsabilidade solidaria do avalista, máis outra cantidade de 150,25 euros na mesma conta e en calidade de depósito, nun impreso separado do importe da condena.

Así, por esta miña sentencia, pronúncioo, mándoo e asínoo».

E para que lle sirva de notificación a Seductio Corp, S.L., que tivo o seu último domicilio coñedido en rúa Rubine, 13-15, 3º C A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 22 de setembro de 2003.

O secretario xudicial

Rubricado