Juan Rey Pita, secretario do Xulgado do Social número tres da Coruña, dou fe e

Certifico: que neste xulgado séguense autos nº 483/2003 por instancia de Benedicta Souto Lestón e María Belén Suárez Souto contra Taller de Confecciones Baer, S.L. sobre despedimento, nos que recaeu sentencia en data 15 de setembro de 2003 que copiada nos particulares necesarios di así:

Que estimando a demanda formulada por Benedicta Souto Lestón e María Belén Suárez Souto, declaro a improcedencia do seu despedimento e condeno a empresa Taller de Confecciones Baer, S.L., a que á súa elección, para efectuar no prazo de cinco días, os readmita no seu posto e condicións de traballo ou os indemnice coa cantidade de 2.345,19

euros a Benedicta Souto Lestón e 5.607,88 euros a María Belén Suárez Souto, así como aboarlles en concepto de salarios de tramitación a cantidade de 4.972,87 euros a sra. Souto Lestón e 4.833,77 euros a sra. Suárez Souto.

Notifíquese esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte da súa notificación.

Previndo á empresa demandada de que para recorrer deberá acreditar ter ingresado na c/c de consignacións código 5604.0000.60.0483.03 de Banesto (0030) desta cidade denominada Conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.

Así mesmo advírteselle á parte demandada que se fai uso de tal dereito, optando pola readmisión, durante a sustanciación do procedemento deberá aboar á parte demandante o mesmo salario que percibiría, estando obrigada esta a presta-los seus servicios á demandada, a menos que a mesma prefira facer uso de tal aboamento sen percibir compensación ningunha por parte da demandante.

Así, por esta miña sentencia da que se unirá certificación ós autos orixinais para a súa notificación e cumprimento, xulgando pronúncioo, mandoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Taller de Confecciones Baer, S.L., expido e asino esta cédula na Coruña, 18 de setembro de 2003.

O secretario xudicial

Rubricado