Juan Rey Pita, secretario do Xulgado do Social número tres da Coruña, dou fe e
Certifico: que neste xulgado se seguen autos nº 499/2003 por instancia de Cristina Segade Villar
e María Jesús Piñeiro Rivadas contra Sastrería López Parga, S.L e outra sobre despedimento, nos que recaeu sentencia con data do 16 de setembro de 2003 que copiada nos particulares necesarios di así:
«Que estimando a demanda formulada por Cristina Segade Villar e María Jesús Piñeiro Rivadas declaro a improcedencia dos seus despedimentos e condeno a empresa Carballos Altos, S.L. a indemnizalas coas cantidades de 5.779,51 euros e 4.816,26 euros respectivamente, e aboarlle-los salarios de tramitación ata a data desta resolución, que ascende á cantidade de 3.018,67 euros a cada unha delas, declarando extinguido o contrato de traballo na data da presente sentencia e absolvendo da demanda o resto das demandadas.
Notifíqueselles esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte da súa notificación.
Previndo á empresa demandada que para recorrer deberá acreditar ter ingresado na c/c de consignacións código 5604.0000.60.03.0499.03 de Banesto desta cidade denominada Conta do Xulgado do Social número tres o importe da condena e 150,25 euros en concepto de depósito, sen os cales requisitos non será admitido a trámite o recurso quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mandoo e asínoo».
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Sastrería López Parga, S.L. e empresa Neyva, S.L., expido e firmo esta cédula na Coruña, 18 de setembro de 2003.
O secretario xudicial
Rubricado